PROIEKTOAK Aholkularitza

Bizkaiko Azoka eta Merkatu Tradizionalen Jarraipena eta Kontrola
Logotipo

BIZKAIMENDI Landa Garapenerako Elkarteen Federazioak koordinatzen eta kudeatzen ditu BIZKAIMENDI Bizkaiko Landa Garapenerako Elkarteen proiektu komunak, eta bere helburua landa-inguruneko biztanleen bizi-baldintzak hobetzea eta horiei zerbitzuak eskaintzea da Bizkaiko landa-guneentzat Programak prestatuz eta burutuz, horien garapen integrala landaren ikuspuntutik sustatzen ahalegintzeko helburuz.

BIZKAIMENDIK nekazaritza-sektorearen baliabide ekonomikoak garatzen eta sektore horretatik eratorritako produktuak eraldatzen eta merkaturatzen lan egiten du, eta beste jarduera batzuen artean, merkaturatze-proiektuak, nekazaritza-ekoizpen berritzaileak eraldatzeko proiektuak eta zuzeneko salmentaren sustapena bultzatzen du. Horregatik guztiagatik, BIZKAIMENDIk azken urte hauetan Bizkaiko nekazaritza-azoka eta merkatu interesgarriei laguntzeko zenbait ekintza jarri ditu abian.

LANDATURek azkeneko urte hauetan Bizkaiko azoka eta merkatuen eta horietan parte hartzen duten nekazaritza-elikagaien ekoizleen aholkularitza teknikorako, jarraipenerako eta kontrolerako zenbait lan egin ditu BIZKAIMENDIrentzat, tokiko produktuen zuzeneko salmenta eta merkaturaketarik onena sustatu eta bultzatzeko helburuz.

Gizartea bere landa-ingurunearekin hartu-emanean egotea funtsezkoa da horri bizirik eusteko.Azoka eta merkatu tradizionalak elementu estrategikoak dira, erakarpen-gune eta irudiaren eta kalitatearen erakusleiho gisa betetzen duten eginkizunaren garrantzia kontuan izanik, eta hori dela eta, BIZKAIMENDIk funtsezko piezatzat ditu landa-garapenerako programetan, eta horrexegatik erabili behar dira gizarteari jakinarazteko gure landa-inguruneak baliabide gizatartua izaten jarraitu behar duela, bertako erabilera ekonomiko tradizionalei bere horretan eutsiz.

Ekimen hauen helburu nagusia herritarrak gure nekazaritza-elikagaien balioaz, horiek ekoizten dituzten baserritarren lanaz eta horrek gure landa-inguruneari eta naturari dakarkion onuraz jabetzea da.

Azokei eta tokiko ekoizleei laguntzeko lan-ildo horren barruan, Landaturrek jarraipenerako eta kontrolerako zenbait ekintza egin ditu 2004. urtetik gaur egun arte:

  • Nekazaritza-elikagaien azoka eta merkatuen Jarraipen eta Kontrol Teknikorako lanak.
  • Horrelako azoketan parte hartu ohi duten Bizkaiko nekazaritza- eta abeltzaintza-ustiapenetan Jarraipen eta Kontrol Teknikoko bisitak egitea.
  • Entitate antolatzaileei zuzendutako Erreferentziazko Zerrenda bat prestatzea eta eguneratuta edukitzea, Bizkaiko azoka eta merkatuetara joan nahi duten ekoizleak bilduko dituena.
  • Informazio eta kontsultarako zenbait material prestatzea eta ezagutzera ematea azokak antolatzen dituzten entitateentzat (“Bizkaiko tokiko nekazaritza-elikagaien azoka eta merkatuak ANTOLATZEKO Eskuliburua”) eta bertara joaten diren ekoizleentzat (“Bizkaiko tokiko nekazaritza-elikagaien azoka eta merkatuetan PARTE HARTZEKO Eskuliburua”).